Archive for the ‘خۆمانه’ Category

فعال!

جولای 11th, 2017

▐ ده‌ر ڕاستایێ سییانه‌ت ئه‌ز حوقووقێ هه‌م‌سێنفانێ خۆد، ئینجانێبان با ئێجازێیێ بۆزۆرگته‌رها، ته‌شکیلێ ئه‌نجۆمه‌نێ “فعالین بدنی کردستان ” (کوردستان غه‌له‌ت ئه‌ست!) را ئێعلام و مێنبه‌عد، ئارا و نه‌زه‌راتێ خۆد را ده‌ر قالێبێ به‌یانییێ، بێ ئێتتێلاعێ دووستانێ عه‌زیزته‌ر ئه‌ز جانێ خۆد ده‌ر مه‌مالێکێ مه‌حرووسێیێ ئێران خاهیم ڕێساند:
مۆئه‌سێسین:
■ د. ئه‌حا جووزه‌له
■ د. مینه دمه‌ک
■ د. به‌هیه به‌شان
■ د. نه‌فیه چۆپی
……………………………………………….
ده‌ر زێمن، ما هه‌مێگی دۆکتۆر بوودێ و دیگه‌ر دۆکتۆرهایێ عه‌زیزێ ئینجا، ئه‌ز ئه‌عزایێ ئێفتێخارییێ ما هه‌سته‌ند!

Posted in تێکه‌ڵ, خۆمانه, ره‌خنه, سیاسه‌ت, کۆمه‌ڵگا | Comments (0)

ئه‌وین!

آوریل 5th, 2017

– “جه‌میل” له یه‌کێک له شه‌قامه‌کانی “سنه”، قاچی کوتا به زه‌ویدا و وتی ڕێک له ژێر پێماندا، زیندانه! له‌وێ خه‌ڵک ئه‌شکه‌نجه ئه‌ده‌ن، ئازار ئه‌بینێت و ئه‌مرێت! ٣٥ساڵ به‌سه‌ر ئه‌م داستانه‌دا تێپه‌ڕیوه!
– له‌و ڕۆژه‌وه، ڕوانینم بۆ دووپێکان گۆڕاوه! هه‌ر که‌س ئه‌بینم تۆزێک جۆرێکه، سه‌ره‌تا وائه‌زانم شکه‌نجه‌چییه! باشتر که سه‌یری ئه‌که‌م، له دز و ڕێگریش ئه‌چێ! ئه‌ها! زۆڵیشه!
– زۆرجار ئه‌م که‌سه گومانلێکراوانمه دیوه که زارۆکێکیان له باوه‌شه! یا ده‌ستی مناڵێکیان گرتووه! تۆ بڵێی ئه‌مانیش مانای خۆشویستن بزانن؟! به داخه‌وه وه‌ڵام به‌ڵێ‌یه!!!
– ئه‌وین و خۆشویستن، کاره‌ساتی هاوبه‌شی هه‌موو مرۆڤه‌کان! دیکتاتۆر! مرۆکوژ! هونه‌رمه‌ند! مه‌لا! کرێکار و ته‌نانه‌ت پزیشکیش! ئه‌مه یه‌کێک له جه‌رگبڕ‌ترین ڕاستییه‌کانه! جه‌للادیش ئاشقه! مرۆڤ تێکه‌ڵێکه له پێچه‌وانه‌کان! نا! مرۆڤ خودی پێچ و پێچه‌وانه‌یه!

Posted in تێکه‌ڵ, خۆمانه, ره‌خنه, سیاسه‌ت, کۆمه‌ڵگا | Comments (0)

جێ‌پێ!

مارس 27th, 2017

له مرۆڤیش به قه‌د جێی سمی ئه‌سپێکی وه‌حشی له سه‌ر کێڵگه‌یه‌‌کی بێ‌خاوه‌ن، نیشانه به جێ ئه‌مێنێ!

Posted in تێکه‌ڵ, خۆمانه, ره‌خنه | Comments (0)

حه‌یات!

فوریه 1st, 2017

ما مسلح به الله اکبریم…
 شه‌ڕ! ئاگر! ناپاڵم! کووپین! هێلکه‌ی سه‌ڵه‌واتی! قاتی و قڕی! مردن به ئاسانی! له‌و ساڵانه‌دا که گه‌رمه‌ی شه‌ڕی ئێران و ئێراق بوو و ئێمه به ئه‌ڵڵاهووئه‌کبه‌ر موسه‌لله‌ح بووین! خوێندکاری ناوه‌ندی بووم و هه‌موو به‌یانییه‌ک پێیان ئه‌خوێندین: بر صف مشرکان حمله می بریم! مشتیان پێ گرێ ئه‌کردین: انجز انجز انجز وعده / نصر نصر نصر عبده! پاش سی و ئه‌ونه ساڵ هێشتا نازانم یانێ چی و چیمان له‌به‌ر کردبوو! 
ڕێک له‌و ساڵانه‌دا، هه‌موو ڕۆژێ چه‌ن‌جار له “قه‌ڵاجێ” و له ڕێی مه‌دره‌سه و نانه‌واخانه‌دا، “حه‌یات”م چاو پێئه‌که‌وت! هاوته‌مه‌ن و هاوقه‌د بووین! ئێمه‌ هه‌موومان تووشی ده‌ردێکی هاوبه‌ش بووین:
که‌سانێک هه‌ن پێش له‌دایک‌بوونیان، مردوون! بۆچی ڕێگه‌ی دوور بچین! خۆم! ئێوه! “حه‌یات”!
شه‌ڕ ته‌واو بوو! گه‌ڕاینه‌وه ناو “شار”! خه‌ڵک بێ‌هیوا و بێ‌به‌رنامه! تووڕه و لاسار! پیاوی زه‌به‌للاحی سمێڵ‌‌قیتی برۆپانی مێشک‌ڕزیوی عه‌شیره‌سیفه‌تی پانتۆڵ‌پانی ده‌نگ‌زلی نابار، ته‌نیا سه‌رگه‌رمییان تووڕه‌کردن و ئازاری “حه‌یات” بوو! ” حه‌یات! که‌ریم مردووه!”! وه ئه‌مه به‌س بوو بۆ گڕگرتنی “حه‌یات”!
شه‌ڕ ته‌واو بوو به‌ڵام داماوییه‌کانی ئێمه هه‌ر له شوێنی خۆیدا مابوون و ماسیبوون و بۆگه‌نیان کردبوو!
ئێمه و “حه‌یات” گه‌وره‌تر بووین! گه‌وره‌تر لێره‌دا یانێ پیرتر! داماوتر! داته‌کاوتر و پلیشاوتر! ئه‌و ون بوو و ئێمه هه‌ر خۆمان ئه‌خڵه‌تاند و ئه‌نه‌هوو ماوین و نیشانمان هه‌یه! به‌ڵام درۆیه! مردبووین!
دوای زۆرجار بیستنی هه‌واڵی ده‌ربازبوونی “حه‌یات” له‌م دونیا پڕنه‌هامه‌تییه، ئاخری په‌ڕه‌کاغه‌زی ڕاگه‌یاندنی فه‌وتی حه‌یاتم بینی!
“حیات میرزائی” فرزند “محمدرشید میرزائی” به دیار حق شتافت!
تا خۆیشم بێ “دیارێ حه‌ق” بێشتابه‌م، نازانم چه‌نێکی ماوه و کێ دوای خۆم شتێکی وام بۆ ئه‌نووسێ!؟ به‌ڵام به باشی ئه‌زانم که زۆرساڵه مردووم و ئه‌مه وڕاو‌ه‌ی نێوان مان و نه‌مانه! یادت به‌خێر “حه‌یات”…

Posted in خۆمانه, کۆمه‌ڵگا | Comments (0)

ژانویه 23rd, 2017

کورد به ده‌می مه‌سیحایی و موعجیزه‌ی مووسایی و دۆعای به‌کۆمه‌ڵی هه‌موو پیاوچاکی کورده‌واری نالکێت به خوشک و برا هاوسێکانیه‌وه! 
 کوره خۆیان وازیان هێناوه، کورده تۆیش واز له لاواندنه‌وه‌ی “پلاسکۆ” بێنه! هه‌ر کوێ ئه‌چێ، هه‌ر ئاوره و ئاخ و ئۆفی کوردی! کوژراین برا!

Posted in خۆمانه, ره‌خنه, کۆمه‌ڵگا | Comments (0)

بژی “هه‌ژیر”!

اکتبر 23rd, 2016

کاتژمێر ٧:٤٥ وه‌کوو هه‌موو به‌یانییه‌ک ڕێ‌که‌وتم بۆ شوێنی کاره‌که‌م! ٧:٤٩ دیسان وه‌کوو هه‌میشه باوک و دایکێکم بینی که له به‌ر ده‌رگه‌ی شوێنێکدا هه‌ڵئه‌له‌رزین بۆ گرتنی هه‌واڵی که‌سێکیان! له ناو پادگانی بێ‌دیواری ڕه‌ش و ڕووتی ئه‌رته‌شیشدا، وه‌کوو هه‌موو وه‌رز و مانگ و ڕۆژه‌کان، چه‌ن سه‌ربازی جل‌کۆن، خۆیان ئه‌دا به سه‌ر زه‌ویدا، هه‌ڵئه‌سانه‌وه! سینه‌خێز ئه‌چوون! مه‌سه‌له‌ن مه‌شقی نیزامی ئه‌که‌ن! وابزانم ئێسقانی ساقیان نه‌مابێ که له کاتی شه‌ڕی هه‌قه‌تیدا، شه‌ڕی پێوه که‌ن! 
٧:٥٥ له حه‌وشه‌ی هونه‌رستاندا بووم! گه‌ییم به مامۆستا “براییم”! تووڕه، ماندوو، بێ‌تین! بۆڵه‌ی ئه‌هات! بۆچی حوقووقیان نه‌داوه! ده ڕۆژه به قه‌رز شه‌و ئه‌دوورم به به‌یانییه‌وه!
چوومه کلاس! واووووووووووو! ئه‌ڵێی نه‌خۆشیی “شه‌رواڵ” داویه له مناڵه‌کان! “پانتۆڵ” نه‌ئه‌بینرا! وه‌کوو بڵێی “ڕۆژی جیهانیی شه‌رواڵ” بێت! ئه‌مه شتێکی ده‌گمه‌ن و نامۆ بوو! بی‌ئه‌وه بیهێنم به ڕووی خۆمدا، وتم ئاده‌ی! وانه‌ی “سێنسۆر: جۆره‌کان، چۆنێتی کارکه‌رد، مێکانیسمی سه‌بتی وێنه” ئه‌پرسمه‌وه! به ئاشکرا ده‌به‌م ئه‌کرد! سه‌رم هه‌ڵهێنا، له ناکاو چاوم که‌وت به “هه‌ژیر”! که‌وا و پانتۆڵیکی کراسی، جامانه‌یه‌ک له مل، پشتوێنێک به سێ‌گرێوه! بزه که‌وته سه‌ر لێوم! وه‌کوو بڵێی هیچم نه‌دیبێ! وتم ئاده‌ی! ئه‌خوێنین! ئیمڕۆ بڕیار بوو چی بخوێنین؟ ئه‌وانیش هاتنه‌وه به خۆیاندا! بژی “هه‌ژیر”!

Posted in خۆمانه | Comments (0)